「綠在屯門」- 永續饗宴嘉年華 （費用全免）

💚🍽️永續饗宴嘉年華🥗💚

「精彩活動一浪接一浪🌊」！

今個9月「綠在屯門」♻️ 以「食農教育」與「永續飲食」作主題，為大家準備咗 #永續饗宴嘉年華 🎪

香港素有「美食天堂」 之稱，匯聚環球美食佳餚，想「搵食」一啲都唔難😋，💡但自問識食嘅你，又是否 #惜食 呢？🤔

今次嘉年華好榮幸邀請到多間食農機構合辦活動，透過互動展覽🖼️、分享📤以及工作坊🛠️，增加大家對食農教育嘅認識。我哋會帶大家由農田出發，追溯食物由耕作、收成、運輸，到烹調上桌嘅每一步👨‍🌾，感受一餐飯背後所承載嘅自然資源同漫長旅程🛣️。鼓勵大家支持香港農業，享受本地優質農產品之餘，仲可以減少因從外地運輸入口而增加嘅碳排放。另外，亦會教大家從日常生活中著手，做到 #珍惜食物 、 #減少浪費 ，邁向 #零廢堆填 🗑️，培養惜食好習慣 👍

「粒粒皆辛苦」🌾，小編喺度呼籲大家，千祈咪眼闊肚窄，做大嘥鬼👻 食得是福，食得晒仲幸福啊💚～ 實踐「惜飲惜食」從日常生活做起！🌱 

各位大小朋友，行過路過都唔好錯過，一齊嚟參加呢場永續饗宴，從產地到餐桌，實踐減碳、零浪費啦~

🌟「上一堂．儲一分」積分計劃詳情：https://shorturl.at/hCd2N

📣📣 小編喺度提提你，而家參加嘉年華仲可以儲分換禮物㗎‼️ 只要於一場嘉年華中參與最少兩項活動；或於一場二手物收集活動中提交不少於2公斤二手物，並即場與當值職員完成登記，即可獲得1分「額外賞」積分✨ 每階段累積滿2分「額外賞」積分，即可換領禮品❣️

*每階段需要儲滿至少3分「基本獎勵」積分後，先可以解鎖「額外賞」獎勵

快啲Mark低以下日子✍，玩完仲可以儲分換禮物添🥳，到時見喇！😉

💚🍽️永續饗宴嘉年華🥗💚
📅日期：2️⃣0️⃣2️⃣6️⃣年9️⃣月2️⃣0️⃣日（星期日）

⏲時間：11:00-17:00

📍地點：「綠在屯門」屯門龍澤路5號（鄰近龍門居巴士總站）

🎈活動：「永續飲食小教室」展覽、環保工作坊、免費二手物市集、食農攤位、小小農夫攝影區及「大嘥鬼收集挑戰」特別活動

⚠注意事項：

1.     如有發燒或身體不適，請避免前往「綠在屯門」。

2.     活動期間需按職員指示排隊輪候。

3.   8歲或以下兒童須由家長陪同參與工作坊，並共同完成同一份製成品。

4.     環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

5.    每節工作坊會於活動前20分鐘開放排隊輪候及報名。

6.     免費二手物市集只會派發，不會進行收集活動。