「遊協」年度盛事「Chill想放鬆祭 2026」第二屆強勢回歸！嚟緊 5月16至17日（星期六至日），我哋會去到南豐紗廠，舉辦大人細路都啱玩嘅放鬆祭。今屆以「重塑・織聚」為主題，準備咗一系列活動鼓勵大家梳理身心，重新編織健康情緒。

今屆焦點絕對係上屆火速滿額、全城矚目嘅「發吽哣大賽」！俾大家名正言順乜都唔做，就有機會贏走 Apple Watch Series 11、AirPods Pro 3 同過千元現金券等 Chill 級巨獎！每位參加者仲可以拎走大會同環保社企綠行俠合作，用升級再造麵粉袋縫製嘅限定「Chill Hea地墊」紀念品！

活動包括：發吽哣大賽、精神健康主題攤位及展覽區、精神健康工作坊、放鬆運動體驗班、開放式攤唞區。