【首輪陣容曝光】麥花臣場館年度重頭音樂盛事

「麥花臣節2026」Chill住入場睇 live show

農作天下頭炮力作 農夫首次主辦廣東話棟篤笑大賽
Teddy Fan首開騷呼籲歌迷「帶多件衫」預告邀好友坐陣  

更多強勢陣容陸續加入  接力Chill爆舞台

每年舉辦約200場本地歌手音樂演出及文化活動的麥花臣場館，位於旺角心臟地帶，並可容納約 2,000名觀眾，座位並具備靈活性，成為本港炙手可熱的中型表演場館之一。其獨特媒體配套優勢具專業支援、場館便利交通、媒體區設施完善，致力為本地及獨立音樂人提供專業展演平台。今日 (29/12) 正式公佈本年度 「麥花臣節2026」首輪演出陣容率先由農夫與Teddy Fan打頭陣領軍Chill爆舞台，更預告即將陸續公佈更多強勢陣容加入接力Chill爆舞台，務求令入場觀眾「Chill住入場睇」，體驗 Live Music 的魅力！

「麥花臣節2026 」演出陣容率先曝光！齊齊Chill住入場睇live show！
今年度一月至四月的麥花臣節陣容，率先由農夫新成立工作室「農作天下」(So Fa So Cool) 首個頭炮製作的廣東話棟篤笑大賽「港笑」打頭陣，更是兩人首次以主辦單位身份開騷！陸永笑言這是個「唔太生嘅生意」，並說：「因為我哋想試吓自己嘅製作能力，可以做到個主辦，好彩又有麥花臣同我哋合作，解決咗好多場地嘅問題。」陸永解釋為何這個活動不是「生意」，趁機宣傳：「因為想多啲人睇，所以我哋個票價真係非常合理。」C君接着說：「人哋最平嘅票價，係我哋最貴嘅票價，仲要睇兩場，初賽同決賽！麥花臣又好坐又夠冷氣。」C君更力推所有表演者都要試做一次主辦：「你知道點去計budget、計人手，更加有利之後嘅創作，真係成個視野唔同晒。」農夫向來鍾情棟篤笑，希望藉着這次的比賽引起更多香港人留意，他們亦期待所有參賽者，完成比賽仍會繼續做：「甚至下個麥花臣節有佢哋自己嘅專場就最好啦。」兩人透露現時已收到過百份參賽報名表，完全超出他們想像。

現時已收到過百份參賽報名表，完全超出他們想像。陸永私心分享他的小貼士：「可能嚟參賽嘅，唔係做開棟篤笑嘅名人，最好最好要介紹到自己先，因為我要知道你係邊個，先可以投入到你嘅世界。唔使好複雜，好似『我係一個廚師』咁之後就可以講關於廚房嘅，或者飲食界嘅笑話㗎啦。」

除了「搞笑」元素，音樂部分同樣令人期待，率先公佈獨立歌手Teddy Fan (范梓謙) 將在場館舉辦首個個人音樂會《BOSS GAME》，他興奮地形容：「個騷會叫BOSS GAME，即係打大佬關！我一開始出歌，最想都係有一個自己嘅騷，呢兩年過五關斬六將終於有，對我嚟講就是打大佬嘅時刻。所有觀眾就係我大佬，我要畀一個好嘅演出大家睇。」他透露已邀請好友們一齊玩，笑言到時要帶多件衫：「基本上我係好想做一個好睇嘅Band Show，始終我係Band出身，所以今次我哋主要玩Band，當然有我嘅導師、好兄弟，我好希望同佢玩一個好開心嘅晚上。仲有個重點就係，我所有歌都會玩自己作，或者有份作嘅，冇Cover歌，很多快歌，所以希望大家入場的時候，因為睇呢個騷會（跳）到好攰！」各位樂迷敬請期待！

Teddy又大讚麥花臣的音響很好：「我自己每次嚟都幾鍾意，又係個好啱做Band Show嘅地方。我自己喺麥花臣都演出過好多次，作為一個結他手，我幾鍾意。由我自己出歌到而家，一直暗地想自己第一個Official演唱會，一定要喺麥花臣，我覺得咁係最好去呈現我自己音樂嘅地方。」他表示能夠在麥花臣場館開騷，絕對是音樂路上的一個Check Point！

此外，即將有更多強勢陣容輪流登場，當中包括首次以個人身份開騷的演出單位，敬請密切期待！為讓入場觀眾更投入「Chill住入場睇live show」的體驗，今年場外的 Relax Corner 更設置扭蛋機等互動元素，打造更立體、有趣的音樂體驗！

掘出未來聲音！「麥花臣節」為追夢者豁免場租及提供一站式配套

「麥花臣節」作為場館年度重頭戲，於每年一月至四月期間舉辦，並預留每月一個週末予申請者豁免場租，為參與麥花臣節的藝術家及音樂人提供豁免，讓音樂人及藝術家將資金集中投放於演出製作及創意策劃。同時亦推出「延音青少年街頭音樂表演擴展計劃」，讓15至24歲青年獲專業培訓及公開演出機會，為本地音樂注入新動力，為追夢的音樂人及藝術家提供展現實力與努力的平台，發掘出值得被聽見、被看見的聲音，感受音樂文化的純粹魅力。

同時，香港遊協設立全新電子售票網站CAST，帶來一站式購票體驗，支援多種電子支付方式及電子門票入場；而場地更提供專業設備配備，場內備有多間後台房、更衣室及會議室、配合高質音響和燈光系統，免費開放演出環境，提供全方位的演出支援配套。

憑著完善的媒體設施及靈活場地配套，麥花臣場館持續成為香港音樂與文化產業的孵化基地，希望藉著「麥花臣節」、CAST平台與延音計劃聯動推動，為新世代音樂人開拓更廣闊的舞台。

有關「麥花臣節2026」演出場次及門票公售內容，請留意麥花臣場館官方網站 :

https://macstadium.hkpa.hk/